Persónuvernd
Hvað við söfnum, hvers vegna, hversu lengi og hvernig þú fær það eytt. Uppfært 14. september 2026.
Hver ber ábyrgðina
Spark er rekið af félaginu Neðri Hóll Hugmyndahús ehf., kt. 470126-2480, Álfhólsvegi 97, 200 Kópavogi. Félagið ber ábyrgð á þeirri vinnslu persónuupplýsinga sem hér er lýst. Spurningar um hana sendir þú á hallo@sparkwithai.app.
Hverju við söfnum
Netfang, nafn og heiti fyrirtækis. Þegar þú notar námskeið söfnum við hvaða myndbönd þú hefur horft á, hversu langt, og svörunum sem þú sendir inn í æfingum. Við söfnum ekki staðsetningu, tengiliðum eða neinu úr öðrum kerfum þínum.
Hvers vegna
Netfangið til að skrá þig inn, því við notum ekki lykilorð. Framvindan til að þú byrjir þar sem þú stoppaðir. Svörin til að gefa þér endurgjöf.
Fyrirspurnir og reikningar
Ef fyrirtæki spyrst fyrir um námskeið skráum við heiti þess og, ef það fylgir, nafn, hlutverk og netfang þess sem hafði samband, ásamt stuttri athugasemd um samtalið, til að geta svarað og fylgt fyrirspurninni eftir. Sá sem biður um námskeið á sölusíðu skilur eftir nafn og netfang í sama tilgangi. Við eyðum því ef þú biður um það. Reikningar bera heiti greiðanda, lýsingu og upphæð. Þeir eru hluti af bókhaldsgögnum félagsins, sem lög um bókhald gera ráð fyrir að séu varðveitt í sjö ár.
Hvað eigandinn sér
Sá sem stýrir aðgangi fyrirtækisins sér nafn þitt og netfang, hvort þú hefur þegið boðið, hversu mikið þú hefur horft á hvern hluta og hversu margar æfingar eru staðnar. Hann sér ekki textann sem þú sendir inn. Það er ákvörðun sem við ætlum ekki að breyta.
Hvað við sendum áfram
Svör í æfingum eru send til þess sem les þau yfir, eitt mállíkan á vegum þjónustuaðila. Þau eru ekki notuð til að þjálfa líkanið. Netfang, nafn og heiti fyrirtækis fara til póstþjónustunnar sem sendir boð og innskráningarhlekki, og póstur sem þú sendir okkur fer sömu leið. Framvinda og svör eru geymd hjá Google Cloud innan Evrópusambandsins, vefurinn keyrir hjá Vercel í Frankfurt og myndböndin eru afgreidd frá Bunny. Innskráningarþjónustan og mállíkanið eru hjá Google og ekki bundin við Evrópu, svo sum gögn geta farið út fyrir Evrópska efnahagssvæðið.
Hversu lengi
Á meðan fyrirtæki eða einstaklingur hefur aðgang, og í tólf mánuði eftir það svo hægt sé að taka upp þráðinn ef aðgangur er endurnýjaður. Þá er öllu eytt: svörum, framvindu og aðgangi hvers og eins. Beiðnir um aðgang og reikningar eru geymdar til að sýna hvað var samið um, reikningar í sjö ár samkvæmt lögum um bókhald. Afrit af gagnagrunninum eru geymd í fjórtán vikur, svo gögnin hverfa líka úr þeim innan þess tíma.
Réttur þinn
Þú getur beðið um afrit af öllu sem við höfum um þig, látið laga það sem er rangt, eða fengið því eytt. Sendu línu á hallo@sparkwithai.app og við svörum innan þrjátíu daga. Þú getur líka kært til Persónuverndar.
Kökur
Ein kaka heldur þér innskráðum. Ef þú velur tungumál eða þema á prófílnum geyma tvær kökur það val í eitt ár. Opni vefurinn setur engar kökur; þemavalið þar er geymt í vafranum sjálfum. Engar kökur frá þriðja aðila og engin auglýsingamæling.